வடகொரிய நாட்டில் கடந்த ஒரு மாதமாக பலத்த மழை பெய்துவருகின்றது. இதனால் பியாங்கான், மற்றும் காங்வான் ஆகிய பகுதிகள் வெள்ளத்தில் சிக்கியுள்ளன.

தாழ்வான பகுதிகளில் இருந்த பெரும்பாலான வீடுகள் வெள்ளத்தில் அடித்து செல்லப்பட்டுவிட்டன. இதனால் 60 ஆயிரம் பேர் வீடுகள் இல்லாமல் தவிக்கிறார்கள்.

வெள்ளத்துக்கு இதுவரை 100 க்கும் மேற்பட்டோர் பலியாகி உள்ளனர். தொடர்ந்து மழை பெய்து வருவதால் ஆறுகளில் அபாய கட்டத்துக்கும் மேலாக வெள்ளம் பாய்ந்து வருவதாக தெரிவிக்கப்படுகின்றது.

சில அணைகள் உடையும் நிலையில் இருப்பதால் எச்சரிக்கை விடுக்கப்பட்டுள்ளது. வெள்ளத்தால் பாதிக்கப்பட்டவர்களுக்கு உதவ ஐ.நா. சபை முன் வந்து உள்ளது. இதே நிலைமை நீடித்தால் உயிரிழப்புகள் அதிகரிக்கலாம் என அஞ்சப்படுகின்றது. ___