மஹியங்கனை பிரதேச காட்டுப் பகுதியில் துணிகளினால் சுற்றப்பட்டு பொலித்தீன் பைகளில் போடப்பட்ட நிலையில் இரண்டு மனித எலும்புக் கூடுகள் கண்டுபிடிக்கப்பட்டுள்ளன.

இவை 22 வயது ஆண் மற்றும் ஒரு 18 வயது பெண்ணினுடையது என பொலிஸார் தெரிவித்தனர்.

உயிரிழந்த ஆண் குருவிட்டென்ன பிரதேசத்தையும் பெண் மஹியங்கனை பிரதேசத்தையும் சேர்ந்தவர்கள் என பொலிஸார் தெரிவித்தனர்.

இவர்கள் இருவரும் ஏப்ரல் 18ஆம் திகதி காணாமல் போனதாக பொலிஸில் முறைப்பாடு செய்யப்பட்டிருந்தமை குறிப்பிடத்தக்கது.

எலும்புக்கூடுகளுக்கு அருகில் இருந்து பூச்சி கொல்லிகளுக்காக பயண்படுத்தப்படும் இரண்டு விஷ மருந்துப் போத்தல்களும் கண்டுபிடிக்கப்பட்டது.

இவர்கள் இருவரும் தற்கொலை செய்திருக்கலாம் என பொலிஸார் சந்தேகம் வெளியிட்டுள்ளனர்.

எலும்புக் கூடுகள் தற்போது பதுளை பொது மருத்துவமனையில் வைக்கப்பட்டுள்ளது.