மிக நீண்ட சந்­திர கிர­கணம் இன்று!

யூலை 27, 2018

இந்த நூற்­றாண்டின் மிக நீண்ட சந்­திர  கிர­கணம் இன்று தோன்­ற­வுள்­ளது. போயா தின­மான இன்று இரவு முதல் நாளை 28 ஆம் திகதி அதி­காலை வரை 6 மணி நேரமும் 14 நிமி­டங்­களும் இந்த சந்­திர கிர­கணத்தை இலங்கை உள்­ளிட்ட பல உலக நாடு­க­ளிலும் பார்க்கலாம் என கொழும்பு பல்­க­லைக்­க­ழ­கத்தின் வானியல் மற்றும் விண்வெளி அறி­வியல் துறை பிரிவின் பணிப்­பாளர் பேரா­சி­ரியர் சந்­தன ஜய­ரத்ன  தெரி­வித்தார்.

இதன்­போது சூரி­ய­னுக்கும் சந்­தி­ர­னுக்கும் இடையே புவி பய­ணிப்­ப­துடன், பூமியின் மிக இருண்ட நிழ­லுக்குள் சந்­திரன் வரு­வ­தா­கவும் அதனால் சுமார் ஒரு மணி நேரமும் 43 நிமி­டங்­களும் சந்­திரன் முழு­மை­யாக இருண்­டி­ருக்கும் எனவும் அவர் மேலும் தெரி­வித்தார். 

இந்த ஒரு மணி நேரம் 43 நிமி­டங்கள் நீடிக்கும் பூரண சந்­திர கிர­கண நேரத்தில்  சூரி­யனின் சிவப்பு ஒளி அலைகள் சந்­திரன் மீது படு­வதால், சந்­திரன் செந்­நி­ற­மாக பூமியில் உள்­ள­வர்­க­ளுக்கு தோன்றும் எனவும் இது இரத்த நிலவு அல்­லது ' பிளட் மூன்' என அழைக்­கப்­ப­டு­வ­தா­கவும்  பேரா­சி­ரியர் சந்­தன ஜய­ரத்ன சுட்­டிக்­காட்­டினார். 

 21 ஆவது நூற்­றாண்டின் மிக நீண்ட சந்­திர கிர­க­ண­மாக இந்த சந்­திர கிர­கணம் அமைந்­துள்­ள­தா­கவும், இந்த சந்­தி­ர­க­ண­மா­னது ஏனைய சந்­திர கிர­க­ணங்­களை விட 40 வீதம் நீண்­ட­தாக இருக்கும் எனவும் சுட்­டிக்­க­ட­டிய பேரா­சி­ரியர் சந்­தன ஜய­ரத்ன, 2025 வரை பூரண சந்­திர கிர­கணம் ஒன்­றினை முழு­மை­யாக பார்க்கும் வாய்ப்பு இலங்­கை­யர்­க­ளுக்கு இல்லை எனவும் இது அரி­தான சந்­தர்ப்பம் எனவும் கூறினார். 

அதனால்  இன்­றைய தினம் இரவு நேர வானை அவ­தா­னிக்­கு­மாறு பொது மக்­க­ளிடம் கேட்­டுக்­கொண்ட பேரா­சி­ரியர் சந்­தன ஜய­ரத்ன, பாட­சாலை மாண­வர்­க­ளுக்கும்  இதனை அவ­தா­னிக்க பாட­சா­லைகள் ஊடா­க­வேனும் அவ­தா­னிப்பு முகாம்­களை நடை­மு­றைப்­ப­டுத்த நட­வ­டிக்கை எடுக்க வேண்டும் என ஆலோ­சனை வழங்­கினார்.

இந்த அரி­தான மிக நீண்ட சந்­திர கிர­கணம் தொடர்பில் பேரா­சி­ரியர் சந்­தன ஜய­ரத்ன  மேலும் தெரி­வித்­த­தா­வது,

 கடந்த 100 வரு­டங்­களில் மிக நீண்ட சந்­திர கிர­கணம் இது­வாகும். பூரண சந்­திர கிர­கணம் சில சம­யங்­களில் இரத்த நிலவு அல்­லது ' பிளட் மூன்' என அழைக்­கப்­படும். அதற்கு காரணம் உள்­ளது. சூரி­யனின் கதிர்கள் எமது வளி­மண்­டலம் ஊடாக பய­ணிக்கும் போது சில 

 நிற கதிர்கள் வளி­மண்­ட­லத்தில் பட்டு தெறிப்­ப­டையும். இதில் செங்கதிர்கள் குறைந்த பாதிப்­பையே எதிர்­நோக்கும். பூரண சந்­திர கிர­கணம் எற்­படும் போது, இந்த  செந்­நிற ஒளி அலைகள் சந்­தி­ரனின் மேற்­ப­ரப்பில் படும்போது சந்­திரன் செந்­நி­ற­மாக காட்­சி­ய­ளிக்கும். இதுவே இரத்த நிலவு அல்­லது பிளட் மூன் என கூறப்­ப­டு­கி­றது. இன்று காட்­சி­ய­ளிக்கும் பூரண சந்­திர கிர­க­ணமும் இரத்த நிலவு எனப்­படும் வகையைச் சேர்ந்­த­தே­யாகும்.

 இந்த கிர­கணம் இலங்கை நேரப்­படி இன்று 27 ஆம் திகதி இரவு 10.45 இற்கு நிகழும்.  அந்நேரத்தில் பூமியின் அரை­வாசி இருண்ட நிழ­லுக்குள் சந்­திரன் வரும். இந் நிலை­மை­யா­னது இன்று இரவு 11.54 ஆகும் போது பாதி சந்­திர கிர­க­ண­மாக மாற்­ற­ம­டையும். இதனை நாம் அவ­தா­னிக்­கலாம்.

 பூரண சந்­திர கிர­க­ண­மா­னது, நாளை 28 ஆம் திகதி அதி­காலை 1.00 மணி முதல்  அதி­காலை 2.43 மணி வரை­யி­லான காலப்­ப­கு­தி­யி­லேயே எமக்கு காட்­சி­ய­ளிப்­ப­துடன் கிர­க­ணத்தின் மைய நேர­மாக அதி­காலை 1.51 இருக்கும்.

அதன் பின்னர், நாளை அதி­காலை 2.43 முதல்  அதி­காலை 3.49 வரை பாதி சந்­திர கிர­க­ண­மாக இந்த கிர­கணம் காட்­சி­ய­ளிப்­ப­துடன், படிப்­ப­டி­யாக சந்­திரன் அதன் பின்னர் நிழலை விட்டு நீங்கிச் செல்லும் நிலையில் சந்­திர கிர­க­ணத்தின் முடிவு  நாளை அதி­காலை 4.58 மணிக்கு பதி­வாகும்.

 இந்த கிர­கண நிகழ்வு பகுதி பகு­தி­யாக உலகின் பல நாடு­க­ளுக்கும் காட்­சி­ய­ளிக்கும். எனினும் குறிப்­பாக முழு கிர­க­ர­ணமும் கிழக்கு ஆபி­ரிக்க நாடுகள், மத்­திய ஆசிய நாடுகள்,  மத்தியக கிழக்கு நாடுகளுக்கு மிகத் தெளிவாக தெரியும். இதனை வெற்றுக் கண்ணால் பார்ப்பதில் எந்த சிக்கலும் இல்லை.  இந்த சந்திரக் கிரகணம் நீண்ட சந்திர கிரகணமாக இருப்பதற்குக் காரணம்,  சந்திரன் புவியை சுற்றிக்கொண்டு சூரியனை சுற்றும் நீள் வட்டப் பாதையில் நீண்ட தூரத்தில் இருப்பதாகும் என்றார்.

செய்திகள்
திங்கள் செப்டம்பர் 10, 2018

டிஎன்ஏவில் இருந்த திராவிட அடையாளம்.. ஹரியானா தொல்பொருள் ஆய்வில் அதிசயம்!